Веројатно имате многу прашања и мисли на ум за време на бременоста. Доаѓањето на ново бебенце на свет, справувањето со симптомите, менувањето на животниот стил, како и секојдневниот живот, понекогаш може да ви се чини како да ви одзема премногу енергија и ве преоптоварува.
Вашето емоционално здравје во бременоста е исто толку важно, како и вашето физичко здравје, затоа обидете се да се грижите за себе и да се релаксирате кога имате потреба од тоа:
Ова се моите десет совети за вас кои се надевам ќе ви помогнат да се опуштите во бременоста:
- Доколку времето дозволува, дремете во текот на денот
- Обидете се да одите во кревет еден час порано од вообичаеното
- Релаксирајте се со релаксирачка бања
- Слушајте смирувачка музика или звуци на природата
- Медитирајте и фокусирајте се на вашето дишење (на курсот за трудници на Mамма.мк дадени се бонус лекции кои се содржаат од медитации во кои се фокусираме на дишењето, наменети за бременоста но и постпартум)
- Читајте книга
- Пишувајте во дневник, интересно е и да водите дневник за трудници
- Вежбајте, тоа ви помага да се ослободите од стресот
- Направете масажа
- Почастете се со педикир
Запомнете дека грижата за себе не треба да биде важна само во бременоста туки и по раѓањето на вашето бебенце. Однесувајте се нежно кон себе си и откако ќе се роди бебето.
Мајка која се грижи за себе, јаде добро, вежба и одвојува време да се релаксира и опушти, ќе има посреќен и поздрав живот.
