Првите месеци и години од животот на вашето бебе се полни со магични моменти кои сакате да ги запамтите засекогаш. Од првата насмевка до првите чекори, секој момент е вреден за спомен. Постојат многу креативни начини како да ги зачувате овие спомени за да може подоцна да ги делите со вашето дете и да ги негувате цел живот. Еве неколку идеи:
Бебешки Споменар
- Споменар за првите моменти: Започнете со бебешки споменар каде што ќе забележувате важни настани, како првата насмевка, првиот збор, првите чекори. Можете исто така да додавате фотографии и други спомени како отпечатоци од рацете и нозете. А секако можете и да купите веќе изработена радосница и да ја пополнувате.
Кутија за Спомени
- Персонализирана кутија: Создадете кутија за спомени каде може да чувате физички предмети како првата цуцла, парче од првата облека, првата играчка и други значајни предмети.
Фотографска Книга
- Изгответе фотографска книга со селекција на фотографии од секој месец во првата година од животот на вашето бебе. Ова е одличен начин визуелно да го документирате неговиот раст и развој.
Ѕид со раст
- Мерење на растот: Создадете ѕид за мерење на растот каде што ќе означувате колку брзо расте вашето бебе. Ова може да биде и украс во неговата соба.
Видео Записи
- Видео Дневник: Направете кратки видео записи за значајни настани или едноставно секојдневни моменти. Овие видеа може да се компилираат во годишен видео дневник.Едно мало филмче од најубавите моменти таа година.
Отпечатоци од раце и нозе
- Уметност со отпечатоци: Користете нетоксични бои за да направите отпечатоци од рачињата и ноџињата на вашето бебе на платно или хартија. Ова може да биде убава уметничка дело за вашиот дом.
Писма за Иднината
- Писма до вашето бебе: Напишете писмо до вашето бебе за време на различни фази од неговиот раст. Овие писма може да се отворат на значајни родендени, како на пример 18-тиот роденден.
